حمد الله على سلامتك يا مصر ....

من الشهداء وإلى الشهداء ... وإليك مصر ...

حمد الله على سلامتك يا مصر ....

والله وما نخفي عليك سر ...

كنا مخنوقين ...

و زهقانين ...

وخايفين ...

وتايهين ...

لا لينا بحر نسافر فيه ...

ولا لينا بر ...

ولا بنفرح إلا على ماتش كورة ...

وأهلي وزمالك ...

بنتخدر ..

والناس من جوه مقهورة ...

ونزِّلنا ايدينا ....

وقلنا لينا رب ...

دعينا ...

وبكينا ...

ومنفعشي ...

سكتنا وما حكينا ...

ومنفعشي ...

كان لازم نصرخ ...

ونقول كفاية ...

كفاية قعدة ...

وكفاية ندب ...

حنفظل طول حياتنا ...

نكتب فيك شعر ...

لو إحنا عاوزينك ...

لازم نقدم ليكي مهر ...

اختاري ...

صوتنا ...

ولا قوتنا ...

ولا حياتنا ...

لأ متختريش ...

إنت غالية علينا يا مصر ...

وحنديلك حياتنا ...

وحنخدك تمنها ...

حتى لو مرديش اللي عامل فيها ابوكي ...

ولوأصر ...

بيقول إن هوه اللي جابك ...

قولنالوا لأ ...

مجبتهاش لوحدك ...

جبناها معاك ...

وسبنهالك أمانة ...

ملتها شر ...

وادينا خدناك ...

وحيملوك ولاها خير ..

سمحينا مش حنبقا معاهم ...

متنا آه ...

بس خدناك ...

عشان نخليك لينا قبر ...

ومش إي قبر ...

وأنا أطول مصر ترجع بصحتها ...

وتبقالي قبر ...

ش.ز